íslensk ull & handverk
Unnið beint frá bónda; þvegið, litað og kembt hjá Íslensku ullarvinnslunni á Selfossi
Um mig
Ég er náttúrufræðingur og hef starfað um árabil við rannsóknir, umhverfisvöktun og kortagerð. Einnig er ég með diplóma frá Myndlistarskóla Reykjavíkur í Textíl. Námið mitt og fyrri störf hafa mikil áhrif á sköpunina mína. Ég hef sérstakan áhuga á að vinna með íslenska ull í ýmsu formi.
Ég er stjórnarkona í Þingborg svf og hef tekið þátt í uppbyggingu nýrrar vinnustofu félagsins sem starfar undir merkinu Íslenska ullarvinnslan og er staðsett á Selfossi.
HANDLITUÐ ULL, KEMBUR OG LYPPUR, NÁMSKEIÐ, FYLGIHLUTIR OG LISTAVERK
ALLT HANDUNNIÐ
Vörumerkið TextílElín býður upp á fyrsta flokks handlitaða ull í lausu, kembum eða lyppum. Ullin er keypt beint af bændum í nærumhverfi Selfoss, handþvegin, handlituð og að lokum unnin í kembivél Íslensku ullarvinnslunnar á Selfossi.
Vörulínan Kemba er eitt af verkefnum mínum. Ég kaupi aðeins gæða ull beint frá bónda. Ég hef sérstakan áhuga á litastúdíu og blanda ég alla mína liti og eru þeir því einstakir og fást hvergi annars staðar. Einnig blanda ég litaðri ull í fallegar samsetningar.
Ég leitast við að bjóða upp á gæði og fjölbreytileika í vörunum mínum. Þá er ég sveigjanleg með hinar ýmsu útfærslur eftir þörfum viðskipavinarins.